Бүгін, 14 мамыр күні Күйкен жалпы білім беретін мектебінде Бейнеу ауданының полиция бөлімінің қызметкерлерімен бірлесе отырып, бітіруші түлектердің ата-аналарымен маңызды кездесу өтті.
Жиында мектеп директоры Молдахан Малбасов сөз сөйлеп, 23 мамырда өтетін «Білімім – Отаныма» бірыңғай сынып сағаттары мен «Соңғы қоңырау» салтанатты шарасы жайлы айтып өтті.
Сонымен қатар, ата-аналарға:Мұғалімдерге немесе мектепке сыйлық үшін ақша жинауға;
Аниматорлар, фото/видео студияларды шақыруға;
Мейрамхана, дәмхана, ойын-сауық орындарында жиын ұйымдастыруға ;
Көлікпен шеру жасау сияқты заңмен тыйым салынған әрекеттер туралы ескертті.
Бейнеу АПБ ЖПҚб ЮПТ КТіЖ аға УПИ Балтабаев Еркін Оралбаевич және Бейнеу АПБ ЖПҚб ЮПТ КТіЖ полиция инспекторы Тайтуров Сисен Асанұлы ата-аналарға оқу жылының соңына байланысты өткізілетін іс-шаралар кезінде қатаң тыйым салынған әрекеттер жөнінде заң аясында түсіндіру жұмыстарын жүргізді.
Айта кетсек, биыл білім ордасын 86 түлек аяқтап, үлкен өмірге қадам басқалы отыр.
Құрметті ата-аналар, балалардың амандығы – бәрімізге ортақ жауапкершілік. Ережені бірге сақтайық!
